View this page in English

NSADAA’IINDENDAMOWIN

• • Shkonwaach zhiwebad
  • Gaawiin ngii-de-zhiitaasii gwaya
  • Bwaanwitoo wii-gibichichiged
  • Aa’aanj zhiwebad
  • Gwaya onjida gii-aakwaadizi
  • epiichi-binoojiinwid gii-zhiwebad

Aaniish ezhi-zhiwebag nsadaa’iidendamowin?

• Ngoding, ngoding eta gii-zhiwebad (daabaan psikaagaaza, shkonwaach naajtaasa, aa’aabiinjigaaza)
• Gibeying maa ge aanji’zhiwebzi (gotaanendamowin, goopajigaaza)
• Aa’aagwiita zhizhiwebad (aakwaadziwin + goopaji’iwe + zhiingenjigewin/aanwenimidiwin)
• Mewizha gaa-zhiwebag gbeying dash psakaagemgad (aanjiwizhweng)

Nsadaa’iidendamowin na we’iib zhiwebad?

Gwech go we’iib daa-mooshchigaade aanwi dash wii gwa aaniind ooshme gbeying daa-njitaamgad ngo-name-giizhgadoon, giizisoog maa ge nsa-bboon, piish ji-mooshtong wi  nsadaa’iidendamowin.

Gbeying na daa-bbaamendmigemgad wi nsadaa’iidendamowin?

Enh, daa-temgad gwa inamanji’owini’, mshkaw bmaadziwini’, inendamowini’, doodamowini’, miinwaa manidowaadziwini’ bbaamenjigewin.

Wenesh manidowaadzi’bbaamenjigewin etemgak nsadaa’iidendamowining?

Aanind go daa-zhi-dbaataanaa’aa aanwetmowaad maa ge zhaagwenimowaad, waa’aach go ishpi-gshkewiziwin.

Wenesh inamanji’owini’bbaamenjigewin etemgak nsadaa’iidendamowining?

• goshko-ayaa, bwaanichige, zegizhiyaa, maanaadendam
• giiwashkwe’endam, giikiminzi, miinwaa gaawiin gashtosiin wii-mooshtood zaagidwin maa ge minwaangozwin
• mooshtong indowin maa ge menisendamowin
• miiwaashkwaa’aad bemaadzinjin, ngoji miinwaa gegoon enwemgak gaa-zhiwebag
• nishkendami-zhiyaad maa ge nishkaaji-zhiyaad miinwaa miigaaji-zhiyaad
• we’iib netaa maanaadendamo maa ge goshkwendamo
• azhetaawaadzi, aanwenimi-zhiyaang, maa ge webnigaazad
• Gashkitoosig wii-mazhiwed maa ge mooshtoong giichigon
• mooshtoong giichigon  maa ge dbaadenmaasig gwaya
• goshko-ayaa miinwaa goshko zhiyaang gegoo noondmang
• wanishkwezhiyaa
• nsidzo-inendamowin miinwaa doodamowin

Wenesh inendamowini’bbaamenjigwewin etemgak  nsadaa’iidendamowining?

• Naanmindizang maa ge maanaaji-gnowaamdizang maa ge maanaaji-gnowaamdang aki
• moonenmind gwaya, ntaa-miigaashkid, dbenmookaashkid
• gashkitoosig wii-naagdawendang maa ge wii-naakniged
• kandoo-zhiyaang miinwaa aabji-akawaamjiged
• maanaazaamdamang, miji-mjimendmowinan maa ge 
• znagzing enji-nokiing maa ge enji-kinoomaagzing
• oke-wnenmaawza
• gaa-go-gegoo wii-nonkiisii
• nondaash zhi-gshkitmaawza
• eshkam znagzi wii-dbaajimotaaged
• Maanaadendamowin maa ge nibwadendamowin
• ojaanimendamowin
• gegoo gaa-izhi-ayaad gii-shkwaa-gchi-ozazaamendamosed

Wenesh doodmowini’bbaamenjigwewin etemgak  nsadaa’iidendamowining?

• gashkitoosig wii-dbaajimotaaged
• moonenmiged
• aanmenjiged kognaawsang miinwaa wii-mazhiwed

Wenesh mshkawi bmaadziwini’bbaamenjigwewin etemgak nsadaa’iidendamowining?

• Dewkwewin, gaa-gaagiidziwin – waa’aach go gaagige-gaagaagiidzowin
• ozaam-manjigeng maa ge gaawiin zhaabendanzii ji-wiisinid
• baashkidiyaandaapinewin
• mokzhe’aapinewin
• jaanmibdeg’ode, jaanminaamong, jaanmenmong
• shazhgweweng
• washime aanimaapinewin
• badagonigong, nibaashking, gaawiin gashtoswang weweni wii nibaang
• ozaamendamo’igong dbishko go naa minikwewin maa ge biinisi-mashkikiwaapine

Wenesh wi gegoo gaa-izhi-ayaad gii-shkwaa-gchi-ozazaamendamosed

Ojaanmendamowini’aapinewin temgak sa aanji-makwenjigaadeg nonda gchi-goopji-doodaamowinan ishkwaa zhiwebag go naniizaaniziwin, makwenjigaadeg, badagonigong miinwaa go mshkawi’bmaadziwini’aazhidetamowinan _ dbishkoo go naa ntaa-wiisnising miinwaa nbaang)

Daa-aashtowgaaza na gwaya maanda nsadaa’iidendamowin?

Enh, gshkotaawinan miinwaa ninaakwiwinan daa-aazhtoogaazwag niijaansag (miinwaa aankobijiganag) gaa-goopajichigaazjig mzawe inamanji’owini’ing miinwaa oshtigwaani nsadaa’iidendamowin.  Aanike-bimaadziwin, aanike’aajimowin maa ge niibna aanike-bimaadziwinan nsadaa’iidendamowin zhi-gkendaagwad maanda.

Daa-zhiwebziwag na Anishinaabeg maanda aanike-bimaadziwini-nsadaa’iidendamowin?

Enh, aanike-bimaadziwini-nsadaa’iidendamowin geget zhi-gkendaagwad gii-gnamaading anishinaabe-aadiziwinan, inaaknigewinan, miinwaa gaa-nji-naasaab zhindwaa miinwaa gii-niwtowaad dinaadziwiniwaa.  Ninaakwiwin zhi-bgomshkaa niibna aanike-bimaadziwini, maamawini, aanike’aajimowini inaganaamgaajgaadeg inendamowin, inamanji’owin miinwaa manidowaadziwin.

Aaniish enji-zhiwebag maanda aanike-bimaadziwini-nsadaa’iidendamowin?

Gaa-goopajichigaazjig dbishkoo go naa gaa-zhaabwiijig oodi Anishinaabe Dnizii Kinoomaagegamig nonj gegoo nikeying waabanda’iwe izhiwebiziwin miinwaa myaanaadag zhichigewinan ji-maajiishkaamgag nsadaa’iidendamowinaazhtowin.

• Jaanmendamang nsadaa’iidendamowini-mjimendamowinan, izhiwebiziwinan miinwaa myaanaadag zhichigewinan e-aankenamowaawaad dibnoojiinmowaan waamdamowewaad ezhchigewaad.
• Ishkwaashkinemagag miinwaa/maa ge noondesemgag gkendaaswin miinwaa wawiingewiziwinan wii-naadmowaawaad dibnoojiinmowaan wii-nkweshkamwaad e-znagag mji-ayaawinan maa ge inamanji’owin.
• Ishkwaashkinemagag miinwaa/maa ge noondesemgag gkendaaswin miinwaa wawiingewiziwinan wii-naadmowaawaad dibnoojiinmowaan wii-daatagaadenimowaad myaajiishkaamgag aanjsewinan miinwaa dibaamjiginan (dbishkoo go naanh abinoojiinwid piish shkiniigid).
• Ozaami-kowaabmaad maa ge  wanenmindwaa abinoojiinhag miinwaa menwezwaad.

Aaniish ezhi-psakaagemgak maanda aanike-bimaadziwini-nsadaa’iidendamowin?

• Gaa-ozaamendamowichigaadeg, mnikwewin, maa ge biinisi-mashkikiwaapinewin
• E-zaamibmiikgaadegin:  mashkaw-bmaadiziiwin, mazhiwewin, inamanji’owin/ oshtigwaani nsadaa’iidendamowin, inendamowin, manidowaadiziwin
• Dibisaamdizowin
• egaa gaa-gwayakoseg ngodoodegizwinan miinwaa wiijgaabwitaadiwinan
• Gidimaagi-kognaawsiwin dbishkoo go naanh aakwaadiziwin, wanendaagoziwin, nganaawsawin, tiki inamanji’owin
• Nisidizowi-izhichigewin, inendamowin miinwaa izhichigewin
• Oshkiniigi-aanjigowin
• Migoshkaadendamowin, memdige go gaagige bezhigowii miinwaa saweshkaamgag dazhiikewining
• Wiisini miinwaa nibe’aapinewin e-gichinendaagwag miinwaa e-gaagigewang
• gaagige mashkaw-bmaadziwni aakziwin
•  gaagige giizhendazig gashkendamowin miinwaa niisaadendamowin
• Gotaajiwin wii-mno-maajiiging, aandaadizing miinwaa noojimong
• Gaawiin gwayak izhigisii abinoojiinh netaa-minikwed amaamaa megwaa gigishkawaawasad (FAS) miinwaa dabishkoo Gaawiin gwayak izhigisii abinoojiinh netaa-minikwed amaamaa megwaa gigishkawaawasad (FAE)
• Gaawiin makawsii biindnang mkwendmowin dnizi-kinoomaagegamgoong gaa-gkendaang zhiyaawin bishkoo go naanh mnaazomkaazad, gaawiin gegoo kidsig, gaawiin wiidookaasig, ozaami-biinaadziwin, mchiwe babaamitaagewin
• Kinoomaagegamgoong gaa-bi-njibaamgag kendaaso-znagziwin dbishkoo go naanh zegzing wii-bwaanitmaang, ozhindamang wii-gkendmang gegoo zaam ‘gkenoomaagzowining zhiyaamgad’, nda-gkendmowini-bwaanitmowin
• Manidowaadziwin giiwanaadendamowin miinwaa webni-zhiyaawin e-bgidnigesiimgag wii-nitaawging
• Biinji-gnawenjigaadeg dibisendizwin maa ge miiwaashkwaang e-Anishinaabesigwaa
• Ani-gdag’aad miinwaa niisnaad bemaadzinjin
• Inaadiziwin eyaawing gigwiinendamowin ashi aagde’endamowin maa ge aagonwetamowin ezhi-inaadizising, inaadziwin giiwanaadendamowin, zegzing wii-gkendmang maa ge wii-anishinaabewichigeng
• Godiskiing bgoji-bimaadiziwining ge zhi-gchipiitendaagkiba enso-giizhgak ezhi-bmaadizing miinwaa manidoowaadizing
• Gaawiin gegoo kidsiing maa ge yaazwang inwewin
• Ishpi-iniwe’idizwini’izhiwebiziwin  (dbishkoo go naah bishigwaadiziwin)
• ozaam wiiba aanjkiing
• Gaawiin zaagenimaasig gwaya nyaagdowenjiged

Daa-aashtoodim na dazhiikewining maanda aanike-bimaadziwini-nsadaa’iidendamowin?

Enh, niibna ne’en wiidookaazwinan, ondaadiziwinan, miinwaa inaakonigewini’znagendaagziwinan Anishinaabekiing dbishkoose maa ge go gaa’ii dbishkoosesnoo omaa dnizi kinoomaagegamgoong nagadenmowin miinwaa go aanind omgimaakodaawinan . Nonda dash aanind daa-ddagoyaamgadoon:

• Oosi-ogimaakodaadwin
• Bgadendimo-apenimowin
• Zhizhnaagwag mji-aabjitood mashkawiziiwin wii-dibenmaawzad
• Dazhiikewining ezhchigewaad wii-zhichgeng dinaangindoonwin miinwaa baabaamaajimowinan wii- aasgaabwitowaad miinwaa wii-wiijgaabwitowaad ne’en sa e-giigdanjin wii-maanenimowaad
• Niisaakseg wi e-gookzigemgag e-zigibnaad enigokoodewizijig miinwaa dazhiikewinan dbishkoo dnoo apenimowin, naasaab bezhigwendamowin, maadookiing inendamowin miinwaa ezhaang, mashkawizii dazhiike-bimaadiziwin miigweng miinwaa maadookiing, tesnog wenpash nokiing, maamwi naadmaadwaad bemaadzijig wii-zhawenjigewaad kina
• Miigaadwin miinwaa noondeseg wiijkiwendiwin biitawiing bebezhigowing miinwaa ngodoodegizing dagwagindaming ezhi-bebkaandizing dazhiikewining
• Miigaadwin miinwaa gwiwninendamowin onji zhitwaawin miinwaa manidowaadziwin
• Bichibowi-ganoondiwin: mji-danaagidooniwin, mji-dibaaknigewin, mookiitaagewin, nanaawndakootaagziwin, giimoodiziwin, dbastaagoziwin, miinwaa….
• banaajchigaadedoodmowini’aasgaabwitaagewin
• Bagidendimo-daapnaming mashkawiziising dazhiikewini’bimaadiziwin miinwaa/maa ge ogimaawewin
• Noondeseng mewizha gaa-zhi-ogimaakandakeng bemaadzijig gaa-miinindwaa gashkewiziwin wii-bbaamiikmowaad wdoo-dazhiikewininwaa
• Nokiiswang miinwaa gdamaagziwin
• Maaskaamagak ngodoodegizing
• Maazhseg ngodoodegizing
• ngoji-daasig
• baatiinag gibaakogewin